Rajendra Gautam - Sankhuwasabha-2

प्रदेश १   दल: CPM-UML   प्राप्त मत: कैफियत:  


संखुवासभाको पुरानो सदरमुकाम चैनपुरका बासिन्दा हुन्, एमाले उम्मदेवार राजेन्द्र गौतम । अहिले उनी एमालेको केन्द्रीय सल्लाहकार परिषद्को सचिव छन् ।

वाम गठबन्धनका तर्फबाट प्रतिनिधिसभा सदस्यको उम्मदेवार बनेका गौतम ०७० सालको संविधानसभा निर्वाचनमा कांग्रेसका दीपक खड्कासँग ५७९ मतान्तरले पराजित भएका थिए । यसपटक पनि तिनै खड्कासँग चुनावी प्रतिस्पर्धामा छन्, गौतम ।

अघिल्लोपटक संखुवासभा क्षेत्र नम्बर २ मा गौतम र खड्कावीच प्रतिस्पर्धा भएको थियो भने यसपटक जिल्लामा एउटै निर्वाचन क्षेत्र कायम भएको छ ।

राजनीतिमा एमाले नेता गौतम पुराना एवं खारिएका नेता हुन् । गौतम तत्कालीन एमाले महासचिव मदन भण्डारी सँगसँगै कम्युनिस्ट राजनीतिमा होमिएका हुन् ।

गौतमले एमालेको कोशी अञ्चल इञ्चार्ज तथा सचिव एवं केन्द्रीय प्रचार विभागका सचिवको जिम्मेवारी पनि निर्वाह गरिसकेका छन् । पञ्चायती व्यवस्थाविरुद्धको आन्दोलनमा उनी पटक–पटक पक्राउ परेका थिए ।

जिल्लामा यसपालि एमाले र माओवादीको साझा उम्मदेवारका रुपमा गौतम चुनावमा उत्रिएका छन् । राप्रपाको साथ लिएर चुनावी मैदानमा आएका खड्कासँगको दोस्रोपटकको भीडन्त गौतमका लागि चुनौती र अवसर दुबै हो ।

प्रतिनिधिसभा सदस्यका थप उम्मेदवारहरु