Yagya Raj Sunuwar - Okhaldhunga-1

प्रदेश १   दल: CPM-UML   प्राप्त मत: कैफियत:  

 

नेकपा एमालेका केन्द्रीय सदस्य तथा युवा नेता यज्ञराज सुनुवार ओखलढुंगामा तेस्रो पटक चुनावी प्रतिस्पर्धा गर्दैछन् । ०६४ को पहिलो संविधानसभा निर्वाचनमा ओखलढुंगा १ बाट माओवादीका केशव राईसँग पराजित भएका सुनुवारले ०७० को संविधानसभा निर्वाचनमा कांग्रेसका बालकृष्ण दाहाललाई पराजित गरे ।

यसपटक साझा वामपन्थी उम्मेदवारका रुपमा सुनुवारको प्रतिस्पर्धा कांग्रेसका युवा नेता रामहरी खतिवडासँग हुँदैछ ।

अनेरास्ववियुबाट राजनीति शुरु गरेका सुनुवार ०४९ सालको स्ववियु चुनावमा आर आर क्याम्पसबाट सदस्य र ०५१ मा सचिव हुँदै ०५३ मा स्ववियु सभापति निर्वाचित भएका थिए । उनी ०५५ मा महेन्द्ररत्न क्याम्पस ताहाचलको पनि स्ववियु सभापति निर्वाचित भएका थिए ।

अनेरास्ववियुको अध्यक्षमा ठाकुर गैरेसँग पराजित भएपछि जिल्लाको राजनीतिमा गएका सुनुवार एमालेको ओखलढुंगा जिल्ला सचिव र अध्यक्ष हुँदै पार्टी केन्द्रीय सदस्य निर्वाचित भएका हुन् ।

साबिक श्रीचौर गाविस हाल मोलुङ गाउँपालिकाका स्थायी बासिन्दा सुनुवारले राजनीतिशास्त्र र अंग्रेजीमा स्नातकोत्तर गरेका छन् ।

सुनुवार ०२९ साल कात्तिकमा जन्मेका हुन् । ०४६ सालदेखि राजनीतिमा संलग्न रहेका उनका एक छोरा छन् । उनले ५ महिना बन्दी जीवन बिताएका छन् ।

प्रतिनिधिसभा सदस्यका थप उम्मेदवारहरु

Tirtha Lama

Nepali Congress

Hasta Bahadur Malla

Nepali Congress

Sanjay Kumar Gautam

Nepali Congress

Minendra Rijal

Nepali Congress

Narendra Jung Thapa

Nepali Congress

Uday Sumsher Rana

Nepali Congress