सदस्य राजन भट्टराई पहिलो पटक काठमाडौं क्षेत्र नम्बर ४ बाट चुनावी प्रतिस्पर्धा गर्दैछन्, त्यो पनि कांग्रेसका युवा नेता गगन थापासँग ।

काठमाडौं ४ बाट वामपन्थी गठबन्धनका साझा उम्मेदवार भट्टराई यसअघि मन्त्रिपरिषदबाट मनोनित संविधानसभा सदस्य थिए ।

अनेरास्ववियुको विदेश विभाग प्रमुख र एशियाली विद्यार्थी संगठन आसाको सचिव वभएर हङकङमा बसेका डा. भट्टराई स्वदेश फर्किएपछि पार्टी राजनीतिमा सामेल भएका हुन् ।

भारतको जवाहरलाल नेहरु विश्विद्यालयबाट अन्तर्राष्ट्रिय सम्बन्धमा पीएचडी गरेका डा. भट्टराई ०६२/६३ को जनआन्दोलनताका दिल्लीमा सात दल र माओवादीका नेताहरुबीच सहजकर्ता समेत थिए ।

माधव नेपाल प्रधानमन्त्री हुँदा विदेश मामिला सल्लाहकार रहेका डा. भट्टराई एमालेको नवौं महाधिवेशनबाट केन्द्रीय सदस्य निर्वाचित भए । उनी एमालेभित्र परराष्ट्र मामिलाका विज्ञ मानिन्छन् ।

भट्टराईलाई एमाले अध्यक्ष केपी शर्मा ओलीले भावी परराष्ट्रमन्त्री भनेका छन् ।

सिन्धुपाल्चोकमा जन्मिएका भट्टराई काठमाडौं महानगरपालिका ७, चाबहिलका स्थायी बासिन्दा हुन् ।

गगन थापासँग चुनावी दौडमा खडा भएका युवा नेता भट्टराईको राजनीतिक यात्राको महत्वपूर्ण खड्गो बन्न पुगेको छ यो चुनाव ।